БРЭНДИЙН ТАНИЛЦУУЛГА

Montegrappa компани “Алтан хошуутай үзэг үйлдвэрлэгч” уриатайгаар 1912 онд Италийн зүүн хойд хэсэгт орших Brenta голын Bassano del Grappa-д байгуулагджээ. Өдгөө энэ үйлдвэртээ бүтээгдэхүүнээ үйлдвэрлэсээр л байгаа юм. 
 Bassano хот дэлхийн 1-р дайны үед цэргийн үйл ажиллагааны төв байсан бөгөөд маш олон цэргүүд түүний дотор тухайн үед сайн дураар түргэн тусламжийн жолоочоор ажиллаж байсан эдүгээ 20-р зууны алдарт зохиолчид болон нэр алдар нь дуурсагдаж буй Ernest Hemingway болон John Dos Passos нар Montegrappa үзгээр захидлаа бичиж байжээ. 
Гайхамшигтай уламжлалт гар урлал нь олныг бишрүүлж хүндэтгэлийг хүлээснээр Montegrappa нь Италийн хэв маяг, дэгжин байдлын элч төлөөлөгч болж, дэлхийн 60 орчим улс оронд түгэн худалдаалагдаж байна.  

Дэлхийд ховор тансаг, чамин, хосгүй бүтээлийг бид санал болгохоос гадна Golden Pen дэлгүүрээр дамжуулан зөвхөн өөртөө зориулан орц, хэв маягийг сонгон дэлхийд цор ганц үзгийг бүтээлгэх боломжыг танд олгож байгаадаа баяртай байна.